У рэспубліцы Алтай не мабілізавалі ніводнага чалавека
4- 7.10.2022, 11:11
- 11,796
Рэгіён узбунтаваўся супраць Крамля?
У рэспубліцы Алтай (РФ) не мабілізавалі ніводнага чалавека, заявіў у сваім тэлеграм-канале сэнатар ад рэгіёна Уладзімір Палятаеў.
«Са слоў вайсковага камісара, на гэтага момант з Рэспублікі Алтай у рамках частковай мабілізацыі не набраны ніводзін чалавек. Ваенкаматамі вядзецца праца актуалізацыі звестак аб грамадзянах, накіроўваюцца позвы», - напісаў Палятаеў.
Прэс-сакратар кіраўніка рэгіёну Міхаіл Максімаў пацвердзіў выданню «Толк», што ў рэспубліцы не мабілізаваны ніводзін жыхар. «Інфармацыю аб квоце для рэгіёнаў не каментуем. Цяпер аб наяўнасці прэтэнзій да працы вайсковых камісарыятаў не вядома», - заявіў Максімаў.
«Які план нам прыйшоў, мы яго і выконваем. План ёсць, але не на гэты час», - дадаў вайсковы камісар рэгіёну Алег Дзенісенка.