У лістападзе УСУ вызвалілі блізу 200 паселішчаў на поўдні Украіны
- 15.11.2022, 21:40
- 2,646
Вораг не прасоўваецца.
Наступ Узброеных сіл Украіны працягваецца на некалькіх кірунках. З пачатку лістапада ўкраінскія абаронцы на поўдні вызвалілі блізу пяць тысяч квадратных кіламэтраў і пад 200 паселішчаў.
Пра гэта паведамляе РБК-Украіна са спасылкай на словы намесніцы міністра абароны Украіны Ганны Маляр у тэлемарафоне.
«Цяпер сілы абароны рухаюцца на некалькіх кірунках пакрысе. Гэта можна казаць аб Харкаўскай вобласці, Луганскай і поўдні. За лістапад на поўдні вызваленыя блізу пяць тысяч квадратных кіламэтраў і пад 200 паселішчаў», - паведаміла Маляр.
У той жа час яна падкрэсліла, што вораг, які прасунуўся ўглыб, далей наносіць удары па вызваленых селішчах.
Самыя жорсткія баі, са слоў Маляр, працягваюцца ў Данецкай вобласці, дзе штодня адбываецца па некалькі дзясяткаў нападаў ворага.
«У той жа час украінскія УСУ вельмі ўпэўнена абараняюць межы. Гэта значыць, вораг не прасоўваецца ні на адзін сантымэтар. Так, там жорсткія страшэнныя баі, цана вельмі высокая, але вораг не прасоўваецца», - паведаміла Маляр.
Яна таксама адзначыла, што дзякуючы таму, што на ўсходзе УСУ здольныя ўтрымліваць вялікую колькасць ворага, гэта, у сваю чаргу, дазваляе ўкраінскім вайскоўцам адпрацоўваць поўдзень.
На поўначы актыўных баявых дзеянняў няма, у той жа час назіраецца рух расейскай тэхнікі і асабовага складу на тэрыторыі Беларусі. Маляр запэўніла, што Украіна гатовая да развіцця падзей на поўначы.