Амаль у 500 населеных пунктах Магілёўскай вобласці - перабоі з электрычнасцю
5- 27.11.2022, 19:21
- 8,026
Прычынай стаў небывалы снегапад.
26 і 27 лістапада ў Магілёўскай вобласці парушалася электразабеспячэнне 1 480 трансфарматарных падстанцый і 476 населеных пунктаў, паведамляе МНС. Прычына - моцны снегапад: у вобласці выпала ад 7 да 11 міліметраў ападкаў (дэкадная норма складае 14 міліметраў).
У самім жа Магілёве выпала 14 міліметраў ападкаў.
Да аднаўлення нармальнай работы электрастанцый залучалі 47 адзінак тэхнікі і 99 работнікаў раённых электрасетак.
Акрамя гэтага, падраздзяленні МНС за дзень здзейснілі 26 выездаў на прыборку паваленых дрэў.