СМІ: ЗША праводзяць праверку праз памылкі ў прагнозах наконт вайны РФ супраць Украіны

Многія амерыканскія чыноўнікі меркавалі, што Крэмль неўзабаве пераможа.

Спецслужбы ЗША спрэс памыліліся ў сваіх прагнозах наконт ходу вайны РФ супраць Украіны і цяпер шукаюць прычыны, чаму так адбылося, паведамляе The Daily Beast.

Выданне нагадвае, што многія амерыканскія чыноўнікі з ЦРУ, Пентагона і Белага дома меркавалі, што Расея хутка захопіць Украіну пасля пачатку поўнамаштабнага ўварвання ў лютым.

Аднак Украіна арганізавала эфектыўную абарону, а расейскія войскі на некаторых адцінках адступілі пасля лютых контратак УСУ.

Як адзначае выданне, ЗША проста не чакалі, што акажуцца ўцягнутымі ў буйны міжнародны канфлікт, які можа доўжыцца гадамі.

Спецслужбы ЗША дакладна паведамлялі аб магчымасці ўварвання РФ ва Украіну, аднак недаацанілі маштабы баявых дзеянняў, гаворыцца ў матэрыяле.

Выданне называе пралікі Вашынгтона «татальнымі».

Былыя чыноўнікі ЗША адзначаюць, што выведвальная супольнасць займаецца разборам сваіх няўдалых прагнозаў аб Украіне.