The New York Times: Расея засталася без беспілотнікаў «Арлан-10»

З пачатку поўнамаштабнага ўварвання УСУ знішчылі 1564 расейскія дроны.

Расея адчувае дэфіцыт выведных БЛА "Арлан-10" свайго вырабу. Выйсце з крызісу Масква бачыць у закупе большай колькасці іранскіх дронаў, піша The New York Times (пераклад - «Уніян»).

Украінскія вайскоўцы расказалі, што расейцы пачалі выкарыстоўваць замест «Арланаў» нейкія іншыя дроны, што можа ўскосна пацвярджаць дэфіцыт такога тыпу БЛА ў ворага.

Як тлумачаць журналісты, альтэрнатыву «Арланам» Расеі знайсці будзе цяжка: «Расейскія вайсковыя сістэмы, асабліва беспілотнікі, залежаць ад мікраэлектронных кампанентаў, якія вырабляюцца ў ЗША, Еўропе і Азіі. Масква цяпер мае цяжкасці з іх закупам дзеля санкцый».

Больш за тое, у верасні ў Мінабароны РФ пацвярджалі, што расейскія збройнікі "не здатныя выканаць "распрацаваныя" адпаведныя тактычна-тэхнічныя патрабаванні да беспілотных лятальных апаратаў".

Аднак няўдачы Расеі звязаныя не толькі з нястачай абсталявання. Яе досвед паказвае, што баявыя дзеянні з выкарыстаннем беспілотнікаў патрабуюць не толькі перадавога абсталявання, але і сучаснага мыслення для прыняцця пастаноў, зазначае выданне.

- Жорсткі ланцужок камандавання ў Расеі патрабуе, каб жаўнеры на месцах атрымлівалі ўхвалу вышэйшага кіраўніцтва для нанясення ўдараў. Такім чынам, нават калі расейскі выведны беспілотнік заўважае цэль, да таго моманту, калі паступае наказ, цэль часта ўжо зрушылася, - гаворыцца ў артыкуле.

На фоне росіту дэфіцыту «Арланаў» Расея вядзе перамовы аб закупе большай колькасці іранскіх дронаў.

Характарыстыкі Арлан-10

Вага: 14/18 кг

Маса карыснага цяжару: да 5/3 кг.

Макс. працягласць палёту: 16/10 гадзін

Дыяпазон хуткасцяў: 70-150 км/г

Макс. далёкасць ужывання: да 120/100 км ад наземнай станцыі кіравання (да 600 км у аўтаномным рэжыме)

Макс. вышыня палёту: 5 км

Расея актыўна выкарыстоўвае БПЛА «Арлан-10» у вайне супраць Украіны - пераважна на фронце для карэкцыі агню. Згодна з экспертызам, расейскіх тэхналогій гэты беспілотнік амаль не мае: у складзе - кітайскія і еўрапейскія запасныя часткі.

Па цывільных цэлях Расея апошнім часам біла іранскімі дронамі-камікадзэ.

Паводле падлікаў Генеральнага штаба УСУ, з пачатку поўнамаштабнага ўварвання Расеі УСУ знішчылі 1564 расейскія дроны; 2 - за апошні дзень.