У цэнтры Бэрліна тысячы чалавек прыйшлі на канцэрт у падтрымку Украіны
2- 20.03.2022, 21:51
- 7,130
Канцэрт праходзіць у цэнтры нямецкай сталіцы каля Брадэнбуржскай брамы.
У Бэрліне праходзіць канцэрт салідарнасці з Украінай, людзі размахваюць украінскімі сцягамі ды трымаюць транспаранты з лозунгамі супраць расейскага ўварвання.
Пра гэта паведамляе "Еўрапейская праўда".
Канцэрт праходзіць у цэнтры нямецкай сталіцы каля Брандэнбуржскай брамы, шмат якія выканаўцы на сцэне былі адзетыя ў колеры ўкраінскага сцяга. Сярод выступоўцаў была Наталля Клічко, жонка мэра Кіева Віталя Клічко.
Украінская спявачка Джамала звярнулася да прысутных праз відэасувязь на вялікім экране.
"Я думаю, што калі б усе музыкі аб'ядналіся, гэта было б наймацнейшае войска ў свеце", — сказала яна.
Паводле звестак паліцыі каля Брадэнбуржскай брамы сабраліся блізу 10 тысяч чалавек, нямецкія СМІ адзначаюць, што іх колькасць вырасце.
Fury In The Slaughterhouse bei #SoundOfPeace am #BrandenburgerTor pic.twitter.com/ILqqQyzOD6
— Jürgen Witte (@jot_witte) March 20, 2022