УСУ знішчылі 13 танкаў і гелікоптэраў акупантаў на Данбасе

Адбілі 18 атак.

УСУ на Данбасе адбілі 18 нападаў акупантаў. Пра гэта паведамляе прэс-цэнтр групоўкі Аб'яднаных сіл у Facebook.

«Абстаноўка складаная, але кантралюецца», — гаворыцца ў паведамленні.

Украінскія абаронцы паведамляюць, што ўздоўж усёй паласы абароны вораг прымяняе баявую авіяцыю, рэактыўныя сістэмы залпавага агню, ствольную артылерыю буйных калібраў, танкі, мінамёты розных сістэм, наносіць ракетна-бомбавыя ўдары па цывільных аб'ектах інфраструктуры, мірных жылых кварталах, знішчае адміністрацыйныя будынкі, бальніцы школы і садкі.

Удакладняецца, што вайскоўцы групоўкі Аб'яднаных сіл знішчылі:

13 танкаў;

8 артылерыйскіх сістэм (адна з іх РСЗА)

27 адзінак баявой браніраванай тэхнікі;

2 адзінкі спецыяльнай інжынернай тэхнікі;

5 аўтамабіляў.

«Падраздзяленні супрацьпаветранай абароны ў небе ўкраінскага Данбаса збілі адзін варожы шматмэтавы верталёт Ка-52 і 4 беспілотныя лятальныя апараты тыпу Арлан-10», - дадалі ў ААС.