27 чэрвеня 2022, панядзелак, 2:31
Сім сім, Хартыя 97!
Рубрыкі

Жонкі абаронцаў Марыупаля: Аперацыі праводзяцца без абязбольвання

7
Жонкі абаронцаў Марыупаля: Аперацыі праводзяцца без абязбольвання

На «Азоўсталі» практычна няма ежы, вады і медыкаментаў.

Жонкі абаронцаў Марыупаля заклікаюць сусветную супольнасць дамагацца вызвалення шляхам «экстракцыі» ўсяго гарнізона, размешчанага цяпер на «Азоўсталі», а не толькі цяжкапараненых, бо на заводзе амаль не засталося вады, ежы і медыкаментаў.

Пра гэта распавялі жонкі герояў - Ганна Навуменка, Кацярына Пракапенка, Юлія Федасюк, Вольга Андрыянава, Дар'я Цікунова - у онлайн-размове з журналістамі, паведамляе «Украінская праўда».

«Колькасць параненых увесь час змяняецца, бо адны паміраюць, іншыя дадаюцца праз абстрэлы і бамбаванні. Мы ведаем, што было бязмала 700 чалавек – цяпер іх колькасць мы не ведаем…

Вядома, у першую чаргу трэба выводзіць цяжкапараненых, якія могуць загінуць на наступны дзень, але мы намагаем на эвакуацыі абсалютна ўсіх. Таму што гэта абсурд: сёння мы выводзім усіх параненых - заўтра ў нас яшчэ дзвесце параненых, бо ўвесь час адбываецца бамбаванне.

Трэба казаць аб эвакуацыі, аб калідоры для ўсяго гарнізона. Толькі так мы зможам эвакуяваць шмат людзей. Яны дагэтуль жывыя, ёсць параненыя, ёсць баяздольныя байцы, ёсць целы, якія трэба вывезці».

Дэталі: Са слоў жанчын, сітуацыя з параненымі «жахлівая», бо гаворка ідзе пра цяжкія выпадкі: адсутнасць рукі ці нагі, перабітыя ўнутраныя органы, вялізныя траўмы. На дробныя пашкоджанні байцы не зважаюць.

Антыбіётыкі ёсць у вельмі абмежаванай колькасці - для самых цяжкіх выпадкаў. Людзі з ампутацыямі ляжаць цяпер без антыбіётыкаў, без абязбольвання. Людзі з цяжкімі раненнямі проста церпяць боль, сказала адна з жанчын.

«Ім цяпер ампутуюць канцавіны нават з маленькімі пашкоджаннямі і без абязбольвання, проста рэжуць па жывым… У іх няма ніякай медыцыны. У іх ёсць шклянка вады на ўсіх - яны робяць глыток раз на 5-6 гадзін», - дадала іншая.

У памяшканні, у якім абсталяваны шпіталь, вельмі горача, туды мала магчымасці перадаваць ежу і ваду, якіх сапраўды мала.

У людзей развіваецца сэпсіс.

Жанчыны перакананыя, што «ваенная дэблакада магчымая, але на гэта няма часу», бо яна магчымая для Марыупаля, калі будуць вызваленыя іншыя гарады.

Таму жонкі абаронцаў спадзяюцца на аб'яднанне намаганняў уладаў Украіны і іншых краін і поспех гэтай кааліцыі ў пытанні выратавання людзей з «Азоўсталі»,

Жанчыны таксама падзякавалі гурту «Kalush Orchestra» за просьбу выратаваць Марыупаль і «Азоўсталь» са сцэны «Еўравізіі».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».