У «ДНР» і «ЛНР» расейскія захопнікі плануюць заклікаць нават жанчын

Людзей проста хапаюць на вуліцах.

Расейцы праводзяць на часова акупаваных украінскіх тэрыторыях утоеную мабілізацыю, у шэрагі ўзброеных сіл РФ плануюць заклікаць нават жанчын.

Пра гэта ў Telegram паведаміла ўкраінская амбудсмэнка Людміла Дзянісава.

Адзначана, што такія мерапрыемствы пачаліся ў часова акупаваным Крыме, дзе многія грамадзяне падчас прызыву адмаўляюцца ваяваць супраць украінскага войска і здаюцца ў палон УСУ.

Са слоў Дзянісавай, усіх мужчын ва ўзросце да 60 гадоў, прапісаных у горадзе Саках і Сакскім раёне, у перыяд з 16 да 20 траўня 2022 года выклікаюць у ваенкамат для правядзення зверкі.

У сваю чаргу ў АРДЛА ў рамках мабілізацыі акупанты праінфармавалі кіраўніцтва прадпрыемстваў аб тым, што неабходна правесці так званую зверку гэтых жанчын ва ўзросце ад 18 да 45 гадоў, якія маюць наступныя спецыяльнасці: бухгалтар, повар, медсястра, лабарант, кіроўца, машыніст, прыбіральшчык.

Амбудсмэнка падкрэсліла, што прымусовая мабілізацыя забароненая міжнародным гуманітарным правам, артыкулам 51 IV Жэнеўскай Канвенцыі аб абароне цывільнага насельніцтва падчас вайны.