Футбаліст нацыянальнай каманды Беларусі дапамог набыць аўтамабіль для УСУ

У 2020 годзе ён падтрымаў пратэсты ў нашай краіне.

Паўабаронца «Рыгі» і каманды Беларусі Юры Кендыш далучыўся да дапамогі ўкраінскаму войску, якое абараняе сваю зямлю ад расейскіх акупантаў.

Кендыш разам з украінскімі аднаклубнікамі Уладленам Юрчанкам і Аляксандрам Філіпавым набылі для Узброеных сіл Украіны аўтамабіль Nissan X-Trail, паведамляе «Трыбуна».

Дзякуючы латвійскім валанцёрам з цэнтра "Tavi draugi", якія дапамаглі з дастаўкай, аўтамабіль прыедзе ва Украіну заладаваны гуманітарнай дапамогай.

Як адзначае выданне, Кендыш з першых дзён паўнамаштабнай вайны падтрымлівае Украіну, а ўлетку 2020 года ён быў на баку беларускіх пратэстоўцаў, якія змагаліся з рэжымам Лукашэнкі.