19 жнiўня 2022, Пятніца, 1:29
Сім сім, Хартыя 97!
Рубрыкі

Параненым баявікам з «ЛНР» дыягнастуюць астэахандроз і язву, каб не плаціць кампенсацый

5
Параненым баявікам з «ЛНР» дыягнастуюць астэахандроз і язву, каб не плаціць кампенсацый

У Луганску прайшлі стыхійныя акцыі пратэсту

Улады так званай «ЛНР» не выплачваюць кампенсацыі сем'ям загінулых і параненых падчас вайны з Украінай.

Пра гэта паведамляюць у ГУР МА Украіны.

Паводле інфармацыі ўкраінскай выведкі для таго, каб не выплачваць кампенсацыі, медыцынскія работнікі ўсяляк скажаюць дыягназы параненым. Пасля лячэння раненняў і кантузій воіны «ЛНР» атрымліваюць выпіскі, у якіх указаны «астэахандроз», «язва» ці іншыя хваробы, якія не прадугледжваюць кампенсацыйных выплат.

«Гэта выклікае вострае пачуццё несправядлівасці з боку мясцовага насельніцтва «ЛНР», нават нягледзячы на нарошчванне прапаганды з боку РФ. Улічваючы незваротныя страты 2 вайсковага корпуса УС РФ (менавіта ў ім служаць «мабілізаваныя» з тэрыторыі «ЛНР»), сітуацыя па падтрымцы і ўспрыманні мясцовым насельніцтвам вайны і наступнай мабілізацыі значна памяншаецца», - гаворыцца ў паведамленні.

Таксама вядома, што 16-17 траўня ў Луганску прайшлі стыхійныя акцыі пратэсту жонак і сваякоў «мабілізаваных» на вайну супраць Украіны. Такія акцыі зафіксаваныя ў вайсковай пракуратуры і ваенкаматах Луганску і Ровенек. Асноўнае патрабаванне пратэстоўцаў - вяртанне мабілізаваных дадому. Агульная колькасць удзельнікаў - амаль 700 чалавек.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».