Лукашэнка заявіў, што ахвочы з Mercedes перасесці на Масквіч
76- 19.05.2022, 18:35
- 26,722
Дыктатар заявіў, што неўзабаве ў Беларусі зноў успомняць «цуды» савецкай аўтамабільнай прамысловасці.
Аляксандр Лукашэнка прызнаў, што санкцыі супраць Беларусі і РФ за вайну ва Украіне ўсё ж такі дзейнічаюць. Неўзабаве ад аўтамабіляў Mercedes у гэтых краінах давядзецца адмовіцца на карысць цуду савецкай аўтамабільнай прамысловасці Масквіча.
Аб гэтым ён заявіў на сустрэчы з губернатарам Ніжненаўгародскай вобласці РФ.
Лукашэнка засумаваў, што даброты нямецкага аўтапрама неўзабаве стануць недаступнымі для ягонай дзяржавы-агрэсара. Аднак у яго знайшлася прапанова што да замяшчэння імпарту.
«Ну добра, не будзем ездзіць у гэты час на Mercedes», - заявіў Лукашэнка і дадаў, што давядзецца перасесці на «свае» аўтамабілі.
Дыктатар нагадаў, што ў Расеі плануюць зноў вырабляць аўтамабілі "Лада" і "Масквіч". "Але гэта ўжо не тыя "Масквічы" савецкія, вядома", – запэўніў ён.
Акрамя таго, Лукашэнка памарыў, што "прыйдзе час, калі ў нас будуць свае Mercedes".