Сібірскія расгвардзейцы на допыце паведамілі, што да 24 лютага ведалі аб адпраўцы ва Украіну

Частка з іх адмовілася выконваць загад, спасылаючыся на стан здароўя, і пакінула размяшчэнне воінскай часці.

Расейскія вайскоўцы, якія ўдзельнічалі ў вайне супраць Украіны, ведалі аб уварванні яшчэ да 24 лютага, стала вядома з матэрыялаў крымінальнай справы аб «ваенных фэйках» галоўнага рэдактара хакаскага сайта «Новы фокус» Міхаіла Афанасьева, піша сайт «Сибирь.Реалии».

Ён напісаў аб адмове некаторых расгвардзейцаў удзельнічаць у беларускіх вучэннях пасля з'яўлення інфармацыі аб планах уварвання ва Украіну.

У матэрыялы крымінальнай справы Афанасьева ўключаныя допыты ў Следчым камітэце дзейных і былых супрацоўнікаў Расгвардыі.

Згодна з дакументамі, расгвардзейцаў вывозілі на вучобу напярэдадні вайны - даведаўшыся аб плане ўварвання ва Украіну, частка дапытаных адмовілася выконваць загад, спасылаючыся на стан здароўя, і пакінула размяшчэнне воінскай часткі.

Адзін з дапытаных расгвардзейцаў распавёў, што ў сярэдзіне лютага кіраўніцтва загадала прыбыць у Смаленск, дзе яны жылі ў намётах і ва ўмовах, «набліжаных да вайны».

З ягоных паказанняў, атрад з Хакасіі ў 60 чалавек перамясціўся ў Беларусь 20 лютага ўначы.

Пасля 20 чысла, з ягоных слоў, адзін з камандзіраў паведаміў, што ёсць вялікая імавернасць «перадыслакацыі на тэрыторыю Украіны». Задачай атрадаў была нібыта ахова вуліц Кіева.

«Усе байцы прадказвалі вынік нашых вучэнняў у плане, аднак гэтая пастанова была для нас нечаканай і не вельмі пажаданай», - распавёў расгвардзеец.

Пры гэтым усе супрацоўнікі атрада ў Беларусі пагадзіліся выконваць загад кіраўніцтва.