У Гомельскай вобласці з'явіўся небяспечны шкоднік
9- 26.05.2022, 21:28
- 17,898
Небяспека садоў.
На тэрыторыі Гомельскай вобласці ўсё часцей знаходзяць амерыканскага белага матыля, які належыць да каранцінных шкодных арганізмаў. Пра гэта паведамляе Светлагорская раённая дзяржаўная інспекцыя ў насенняводстве, каранціне і абароне раслін.
Амерыканскі белы матылёк пагражае клёнам і пладовым дрэвам. Калі своечасова не дапамагчы расліне, акупаванай агрэсіўнай кузуркай, яна абавязкова загіне.
Шырыня казуркі не больш за 3,6 см, у даўжыню 1,5 см. Нягледзячы на мініятурныя памеры і ўразлівасць, матылёк здолеў распаўсюдзіцца ў шматлікіх рэгіёнах зямной кулі.
Матылі з`яўляюцца вясной, у перыяд цвіцення садовых дрэў. У траўні-чэрвені яны актыўна адкладаюць яйкі, а ўжо праз пару тыдняў з яйкаў з'яўляюцца гусеніцы, якія літаральна за некалькі гадзін пажыраюць лісцяную частку дрэва.
Характэрная прыкмета, праз якую можна выявіць шкодніка - павуцінневыя гнёзды з калоніямі гусеніц, якія складаюцца з аплеценых павуціннем лісця і галін расліны. Спачатку гэта можа быць некалькі лісточкаў, аплеценых павуціннем, а пазней - цэлая галіна. Гнёзды, разрастаючыся, могуць дасягаць памеру 1-1,5 м, часам павуціннем аплеценыя цэлыя дрэвы.
За 40-50 дзён яны знішчаюць усё на сваім шляху і толькі потым акукляюцца. Ужо ў ліпені з'яўляецца наступнае пакаленне матылькоў, прычым самкі другога калена яшчэ боль пладавітыя і наносяць значна большыя страты. Адна асобіна адкладае 2 500 яйкаў. Гусеніцы другога пакалення аб'ядаюць дрэвы да самай восені.
Выяўленыя гнёзды з гусеніцамі неабходна зразаць і спальваць на месцы.