Зяленскі патлумачыў, чаму будзе весці перамовы толькі з Пуціным

Прэзідэнт Украіны заявіў, «усё роўна, што кажа іхні міністр замежных справаў».

Прэзідэнт Украіны Уладзімір Зяленскі патлумачыў, што хоча гаварыць пра вайну толькі з расейскім дыктатарам Пуціным, паколькі ў Расеі больш ніхто нічога не вызначае. Пра гэта ён расказаў у інтэрв'ю нідэрландскаму каналу NOS, піша nv.ua.

«Пытанне не ў тым, што я хачу з ім (Пуціным, – рэд.) дамаўляцца, пытанне ў тым, што там няма з кім дамаўляцца. Ён пабудаваў такую дзяржаву, у якой ніхто нічога не вызначае. Таму ўсё роўна, што кажа іхні міністр замежных справаў. Няважна, ці выпраўляе ён дэлегацыю пагутарыць з намі. Усе гэтыя людзі – яны ніхто, на жаль», – сказаў прэзідэнт Украіны.