Войска РФ каля Запарожжа нанесла ўдар па сваіх пазіцыях з агнямётнай сістэмы «Солнцепек»
13- 8.05.2022, 21:52
- 38,984
«Дружалюбны агонь» у выкананні акупантаў.
Расейскія войскі нярэдка «дапамагаюць» УСУ: то дадуць трафейную тэхніку, то адкрываюць «дружалюбны агонь» па сваіх жа. Так вораг набліжае перамогу ўкраінскіх войскаў у гэтай вайне.
Гэтым разам акупанты ўдарылі па ўласных пазіцыях з агнямётнай сістэмы «Солнцепёк», паведамляе ў «Фэйсбуку» 97 пяхотны батальён 60-й асобнай пяхотнай брыгады.
«Расейскія акупанты 8 траўня 2022 года, выкарыстоўваючы на Запарожскім кірунку цяжкую агнямётную сістэму «Солнцепек», прымянілі яе супраць сваіх пазіцый і фактычна выпалілі рашысцкіх акупантаў з украінскай зямлі», - гаворыцца ў паведамленні.
Таксама ўкраінскія байцы пакпілі з акупантаў, пры гэтым адзначыўшы, што такія дзеянні яны ўспрымаюць станоўча.
«Мы разумеем, што на травеньскія выходныя ёсць традыцыя гатаваць шашлыкі, але ў нас ёсць адна заўвага - паліце сябе на тэрыторыі Расеі. Таму што ва Украіне вам зусім не рады!» - заявілі ў 97-м батальёне.