Ва Украіне арыштавалі актывы расейскага алігарха на суму, большую за $1,7 мільёна

Спроба пазбегнуць магчымых санкцый правалілася.

Ва Украіне арыштавалі 53,4 млн грн актываў прадпрыемства расейскага алігарха, паведамілі ў Офісе генпракурора Украіны. Сродкі і каштоўныя паперы былі арыштаваныя ў рамках справы па легалізацыі маёмасці, атрыманай злачынным шляхам.

«Паводле хадайніцтваў пракурораў Офіса Генеральнага пракурора накладзены арышт на карпаратыўныя правы прадпрыемстваў, якія з'яўляюцца аднымі з найбуйнейшых вытворцаў мінеральнай вады на тэрыторыі Украіны на агульную суму звыш 53,4 млн грн. Гэта каштоўныя паперы і грашовыя сродкі, якія з'яўляюцца часткай статутнага капіталу прадпрыемстваў, бенефіцыярным уласнікам якіх з'яўляецца расейскі алігарх», - гаворыцца ў паведамленні.

Следства ўстанавіла, што расейскі алігарх з бізнэсоўцамі ўклалі ўгоды продажу карпаратыўных правоў. Такім чынам, яны спрабавалі пазбегнуць магчымых санкцый і ўжывання захадаў прымусовага адабрання правоў уласнасці, прадугледжаных заканадаўствам Украіны.

Дасудовае расследаванне ажыццяўляецца ў рамках крымінальнай справы па факце легалізацыі маёмасці, атрыманай злачынным шляхам (ч.3 арт.209 КК Украіны).