Сталі вядомыя вынікі ЦТ па беларускай мове

Колькі абітурыентаў набралі максімальныя сто балаў?

Міністэрства адукацыі апублікавала вынікі цэнтралізаванага тэставання па беларускай мове. Максімальныя сто балаў сёлета набралі 67 абітурыентаў, паведамляе тэлеграм-канал міністэрства.

Традыцыйна ЦТ па беларускай мове абітурыенты пісалі самым першым. Сёлета гэты тэст адбыўся 14 чэрвеня. Праверыць свае веды запісаліся больш за 18 тысяч чалавек, 749 з іх на тэставанне не прыйшлі.

У выніку максімальны бал атрымалі 67 хлопцаў і дзяўчат. Гэта значна больш, чым у 2021 годзе. Тады, піша сайт kudapostupat.by, максімальны 100-бальны вынік набралі 40 чалавек. У 2020-м выдатнікаў было 78.

ЦТ у Беларусі прадаўжаецца. Наперадзе яшчэ выпрабаванні па пяці прадметах.