Акцыі расейскага «Газпрома» абрынуліся на 30%

Квоты абрынуліся пасля пастановы не выплачваць дывідэнды.

Акцыі "Газпрома" на Маскоўскай біржы ў чацвер, 30 чэрвеня, упалі больш чым на 30%. На мінімуме яны прадаваліся за 207,69 рубля, што на 30,2% ніжэй за цану закрыцця мінулай гандлёвай сэсіі. На 11:25 маскоўскага часу, паперы кампаніі каштавалі 226,68 рубля, таннеючы на 23,84% на мінулае закрыццё, паведамляе "Форбс".

Квоты абрынуліся пасля гадавога сходу акцыянераў расейскай газавай кампаніі, на якім яны наважылі не выплачваць дывідэнды за 2021 год. "Акцыянеры прынялі пастанову, што ў гэтай сітуацыі дывідэнды за 2021 год выплачваць немэтазгодна", – паведаміў намеснік старшыні ўправы "Газпрома" Фаміл Садыгаў.

Акцыянеры "Газпрома" таксама абралі новы склад рады дырэктараў капанні. У яго ўвайшлі Андрэй Акімаў, Віктар Зубкоў, Дзяніс Мантураў, Віталій Маркелаў, Віктар Мартынаў, Уладзімір Маў, Аляксей Мілер, Аляксандр Новак, Дзмітрый Патрушаў, Міхаіл Серада і Нікалай Шульгінаў.

26 траўня рада дырэктараў "Газпрома" рэкамендавала акцыянерам выплаціць дывідэнды за 2021 год сумай 52,5 рублёў на акцыю, што на той момант мела на ўвазе дывідэндную прыбытковасць пад 18%. Такія дывідэнды мелі стаць рэкорднымі ў гісторыі кампаніі і ўсяго расейскага фондавага рынку - сумарна на выплаты магло быць накіравана 1,244 трлн расейскіх рублёў.

Гэта адпавядала дывідэнднай палітыцы кампаніі, якая мае на ўвазе, што на дывідэнды маюць накіроўвацца не менш за палову скарэктаванага чыстага прыбытку (у 2021 годзе гэты паказчык склаў 2,487 трлн рублёў). Чысты прыбытак кампаніі за мінулы год стала рэкордным дзякуючы высокай цане газу на сусветным рынку.

Аднак у канцы чэрвеня стала вядома, што Мінфін плануе ў выглядзе разавага павышэння падатку на здабычу карысных выкапняў павялічыць суму ПЗКВ для "Газпрома", абавязковую да выплаты за 2022 год, на 416 млрд рублёў. Пра гэта, са спасылкай на падрыхтаваныя міністэрствам папраўкі да Падатковага кодэкса, паведамілі "Інтэрфакс" і "Коммерсантъ". Сума мае быць выплачаная ў падатковы перыяд з 1 верасня да 30 лістапада 2022 года. Тады ў кампаніі не пракаментавалі, ці адаб'ецца прапанова Мінфіна на дывідэндных выплатах.