Латвія плануе экспрапрыяваць уласнасць РФ і Беларусі

Распрацоўваецца адпаведны закон.

Міністр юстыцыі Латвіі Яніс Борданс даручыў распрацаваць закон, які дазволіць адчужаць нерухомасць, якая належыць Расеі і Беларусі. Культурныя цэнтры і санаторыі ў Латвіі, якія належаць гэтым краінам, могуць перайсці ва ўласнасць латвійскай дзяржавы.

Мінюст Латвіі павінен падрыхтаваць закон ужо да 17 чэрвеня - гадавіны ўводу савецкіх войскаў у 1940 годзе.

Сярод аб'ектаў, якія могуць стаць латвійскімі, – "Дом Масквы" ў Рызе, які належыць расейскай дзяржструктуры санаторый "Бурштынавы бераг" і санаторый "Беларусь" у Юрмале. У гэтым сезоне праз санкцыі ўсе яны стаяць зачыненымі. Борданс згадаў, што Латвія будзе выкарыстоўваць іх для размяшчэння ўкраінскіх уцекачоў, рэабілітацыі пацярпелых і для стварэння інфармацыйнага цэнтру.

"Абедзве краіны нясуць прамую адказнасць за ўчыненне крымінальных злачынстваў і генацыд, аб чым таксама гаворыцца ў заявах Сэйма і Еўрарады, - напісаў Борданс у твітары. - Для таго каб заканадавец выразна выказаў сваю волю і дазволіў юрыдычныя нюансы, неабходны асаблівы закон, які прыбірае любыя перашкоды і інтэрпрэтацыі што да адчужэння гэтых аб'ектаў, якія належаць Расеі і Беларусі для патрэб дзяржавы і грамадства"