4 снежня 2022, Нядзеля, 1:24
Сім сім, Хартыя 97!
Рубрыкі

У Ляхавіцкім раёне быкі напалі на працаўнікоў фермы

12
У Ляхавіцкім раёне быкі напалі на працаўнікоў фермы

Інцыдэнт здарыўся ўначы.

У Ляхавіцкім раёне Беларусі быкі напалі на працаўнікоў фермы. Інцыдэнт адбыўся ўначы, 8 жніўня на малочнатаварнай ферме «Русінавічы», піша «Ляхавіцкі веснік».

Некалькі быкоў выбеглі з загону. Памочнік загадчыка малочнатаварнай фермы і жывёлавод спрабавалі загнаць жывёл назад, аднак яны павялі сябе агрэсіўна. Мужчына і жанчына атрымалі траўмы. Медыкі дыягнаставалі ў іх гематомы і ўдары, у жывёлавода - яшчэ і пералом.

Нагадаем, два тыдні таму ў Ляхавіцкім раёне ад нападзення быка загінуў пенсіянер. На пашы каля аграгарадка Востраў Ляхавіцкага раёна 27 ліпеня бык напаў на паджылага мужчыну, які надта блізка падышоў да статка. Бык баднуў пенсіянера ў жывот, пазней той памёр у лякарні.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».