Кіраўнік Пэнтагона нагадаў Расеі аб пятым артыкуле NATO
1- 10.08.2022, 21:29
- 12,612
Напад на аднаго хаўрусніка NATO - гэта напад на ўсіх хаўруснікаў Альянсу.
Паўночнаатлантычны альянс не імкнецца да вайны супраць Расеі, але будзе далей пільнавацца прынцыпу калектыўнай бяспекі.
Пра гэта паведамляе РБК-Украіна са спасылкай на заяву міністра абароны ЗША Лойда Остына падчас брыфінгу.
«Давайце шчыра. Мы не імкнемся да канфрантацыі і не нясём пагрозы для Расеі. Наша абноўленая пазіцыя проста адлюстроўвае нашу нязменную і ўрачыстую прыхільнасць пятаму артыкулу. Напад на аднаго хаўрусніка NATO - гэта напад на ўсіх хаўруснікаў NATO», - заявіў кіраўнік Пэнтагона.
Ён таксама дадаў, што існая сітуацыя ў сусветнай палітыцы патрабуе ад Альянсу больш хуткага і надзейнага рэагавання на выклікі.