Што за што цяпер на Камароўцы

На базары з'явіліся першыя восеньскія грыбы.

На Камароўцы з'явіліся першыя восеньскія грыбы. Праўда, няшмат, і прадаюць іх толькі ў адным месцы. Баравікі ў сталіцу прыехалі з Віцебскай вобласці. Затое на прылаўках базару яшчэ шмат памідораў, ёсць журавіны, брусніцы, маліны і нават трускалкі з Гарадзенскай вобласці. Пра асартымент расказваюць на старонцы Камароўкі ў Instagram.

За літар журавін у пэўных месцах просяць 10 рублёў, але можна знайсці і за 5,50 за кілаграм. Такая ж цана і брусніц ды чарніц за той жа аб'ём. Маліны аддаюць за 10-14 рублёў за кілаграм. Трускалкі з Гарадзенскай вобласці - 10 рублёў за кілаграм.

Цана агуркоў пайшла ўгору. Цяпер яны каштуюць блізу 4-5 рублёў за кілаграм. Яшчэ шмат на прылаўках памідораў. Цана кілаграму 2-2,5 рубля. Перац балгарскі - 3,7 рубля. перац востры - 10 рублёў.

Ёсць і зяленіва: мята, цыбуля, салата, кроп, пятрушка - ад 1,5 рубля за 100 грамаў.

Часнок - 8-12 рублёў за кілаграм. Цыбулю-рэпку можна знайсці за 1,5 рубля за кілаграм.

Квяцістая капуста - 4,5 рубля за кілаграм, брокалі - блізу 6,5 рубля.