Колькі ўсяго аўтамабіляў у Менску?

Заўтра ад іх прапануюць адмовіцца.

Заўтра - Дзень без аўтамабіля. Напярэдадні яго ў ДАІ падзяліліся інфармацыяй, колькі аўто зарэгістравана ў Менску. З досведу папярэдніх гадоў на веласіпед або грамадскі транспарт у Дзень без аўтамабіля перасаджваецца не так ужо шмат менчукоў. Як вы думаеце, што будзе сёлета?

Паводле статыстыкі ДАІ, у сталіцы на 1 верасня 2022 года зарэгістравана 748 436 адзінак транспарту. У іх ліку: 664 646 легкавікоў, 57 606 грузавікоў, 6723 аўтобусы і 19 461 матацыкл і мотаролер. Інспектары чакаюць, што заўтра выедзе менш аўто, чым звычайна, піша «Онлайнер»

Тыдзень мабільнасці, які пачаўся 16 верасня, закончыцца заўтра традыцыйным Днём без аўтамабіля. У гэты дзень, 22 верасня, аўтамабілісты змогуць бясплатна карыстацца грамадскім транспартам пры паказе правоў і тэхпашпарты. "Мы чакаем, што шэрынгі дадуць зніжку на арэнду ровараў і самакат", – падзяліліся ў камітэце прыродных рэсурсаў. І сапраўды, сэрвіс Kolobike паведаміў, што ў Дзень без аўтамабіля можна будзе пачынаць паездкі на іх веласіпедах без першапачатковай аплаты.

Мясціны акцыі "На працу на ровары!" будуць працаваць 22 верасня каля ўваходу ў Батанічны сад, а таксама насупраць "Мінск-Арэны" і каля "Мотавела".