«Заткні зяпу, забаўкі закончыліся»: у РФ вайсковыя камісары паводзяць сябе з мабілізаванымі як з быдлам

З’явіліся відэа з расейскіх вайсковых камісарыятаў.

Крамлёўскі рэжым не толькі ператварае расейцаў у гарматнае мяса для адпраўкі на вайну супраць Украіны, але і паводзіць сябе з імі як з быдлам.

Сярод іншага, гэта выяўляецца ў дэманстратыўна хамскім стаўленні да мабілізаваных з боку вайсковых камісараў, пра што сведчаць апублікаваныя ў сацсетках відэа, піша nv.ua.

На адным з іх супрацоўнік вайсковага камісарыяту, адчуваючы сваё дамінаванне над рэзервістамі, адразу ж пагражае ім крымінальным пакараннем за адмову ад удзелу ў вайне, адкрыта ігнаруючы ўсе аргументы незадаволеных.

«Ціха! Зараз я палкоўнікам стану. Я, дарэчы, на другой чачэнскай быў – не уср..ўся, усё нармальна. Зразумеў? Ціха! Без панікі. Зразумела, так?», - абурыўся ён нараканне расейцаў, пасля чаго ўсе паслухмяна пайшлі браць свае позвы.

На яшчэ адным відэа мабілізаваных сабралі ў актавай зале, каб правесці інструктаж, а калі яны пачалі скардзіцца на свае праблемы, якія для іх былі больш актуальныя, чым крывавыя авантуры Крамля, вайсковы камісар іх адразу ж аблаяў.

«Вы як бабы, бл*! Зяпу заткніце!.. Усё, забаўкі скончыліся. Вы ўсе вайскоўцы. Тры дні тут, борт, два тыдні дадатковай падрыхтоўкі», — заявіў ён, паказаўшы бунтарам на іх месца.

Нагадаем, 21 верасня, пасля скасаванага напярэдадні звароту да грамадзян РФ, крамлёўскі дыктатар Уладзімір Пуцін абвясціў у краіне «частковую мабілізацыю».