Жазэп Барэль: Пуцін прадаўжае пройгрышную стратэгію

ЖАЗЭП БАРЭЛЬ Еўразвяз узмоцніць санкцыі супраць крамлёўскага рэжыму.

Сёння Еўракамісія вынесе на разгляд Еўрапейскага Звязу новы пакет санкцый супраць Расеі за агрэсію ва Украіне. Як піша liga.net, пра гэта паведаміў у Twitter вярхоўны прадстаўнік ЕЗ Жазэп Барэль.

«Сёння мы прапануем дадатковыя абмежавальныя меры супраць тых, хто падтрымлівае, садзейнічае або атрымлівае выгаду ад уварвання ва Украіну», – напісаў Барэль.

Ён таксама адзначыў, што «Пуцін падвойвае стаўку на правальную стратэгію. ЕЗ прытрымліваецца прынятага курса. Нашая стратэгія працуе, і нашыя санкцыі даюць пераканаўчы эфект».

Барэль і старшыня Еўракамісіі Урсула фон дэр Ляен заявілі на супольным брыфінгу аб унясенні на разгляд ЕЗ восьмага пакета «хваравітых» санкцый супраць Расеі ў сувязі з чарговым вітком эскалацыі расейскага ўварвання ва Украіну і правядзеннем акупантамі псеўдарэферэндумаў на часова захопленых імі тэрыторыямі.