Марына Адамовіч: Гэта «спецаперацыя» з боку ўлады
3- 29.09.2022, 11:34
- 5,728
Ад палітвязня Міколы Статкевіча па-ранейшаму няма ніякіх звестак.
Ад палітвязня Міколы Статкевіча, які адбывае за арганізацыю масавых беспарадкаў 12-гадовы тэрмін у Глыбоцкай калоніі для асабліва небяспечных злачынцаў, па-ранейшаму ніякіх звестак, паведамляе «Радыё Рацыя».
Ягоная жонка Марына Адамовіч вельмі занепакоеная і мяркуе, што гэта «спецаперацыя з боку ўлады». З ранейшага досведу яна можа толькі здагадвацца, чаму так адбываецца.
«Нічога ж новага не адбываецца пад Месяцам. Мы гэта ўсё праходзілі неаднаразова і раней. Гэта чарговая спроба ціску пад загадам, я ў гэтым абсалютна не сумняваюся. Мэты для мяне невядомыя, я думаю, што нікому не прыйдзе ў галаву з цвярозым розумам патрабаваць ад яго ці прасіць падпісаць прашэнне. Значыць, гэта проста збольшага фізічнае і эмацыйнае ўздзеянне на яго і на блізкіх таксама», – заявіла Марына Адамовіч.
Паводле словаў Марыны Адамовіч, калі ў краіне не да законаў, то немагчыма на нешта станоўчае спадзявацца. Да «амністыі» з пакаяннай заявай яна ставіцца скептычна, бо гэта ўжо не амністыя. І не трэба міжнароднай супольнасці чарговы раз не толькі наступаць на адны і тыя граблі, а і хадзіць па іх.