Бліцкрыг УСУ на Харкаўшчыне: з'явіліся карты прарыву ўкраінскага войска

Поспехі ўкраінцаў у контрнаступе адкрываюць новыя магчымасці для далейшага зрушэння пазіцый ворага.

Прарыў Узброенымі сіламі Украіны абароны расейскіх акупантаў у Харкаўскай вобласці адбыўся на працягу некалькіх дзён. Пры гэтым у Сеціве ўжо з'яўляюцца карты наступу УСУ і баявых дзеянняў на Харкаўшчыне.

- Кажуць, што гэты неймаверны бліцкрыг распрацаваў украінскі генерал-палкоўнік Аляксандр Сырскі. Скрыны - гэта дзеянні УСУ на падставе допісаў у ТГ-каналах, у тым ліку рашысцкіх, - піша ўкраінскі эксперт у галіне інфармацыйных тэхналогій Станіслаў Гайдэр.

- Для пачатку Сырскі здалеў спыніць варожы наступ на Харкаўскім, Ізюмскім, Бахмуцкім, Аўдзееўскім ды іншых аперацыйных кірунках, а затым паспяхова паціснуіць ворага. Менавіта Сырскі распрацоўваў нечаканы ўдар па Балаклеі, да неабходнасці якога спачатку крытычна паставіліся ў Генеральным штабе УСУ, аднак яму выпала пераканаць вайсковае кіраўніцтва краіны ў неабходнасці такога плана... ...Сённяшнія поспехі ў контрнаступе паводле плану Сырскага адкрываюць новыя магчымасці ў частцы далейшага зрушэння пазіцый ворага. Спадзяюся на тое, што вельмі хутка ўбачым яшчэ больш украінскіх сцягоў над вызваленымі местамі Украіны, - тлумачыць палітычны тэхнолаг Аляксей Галабуцкі.

- Паспяховых военачальнікаў варта ведаць. Нашу групоўку на поўдні, якая займаецца Херсонам, узначальвае генерал Андрэй Кавальчук. А групоўку на ўсходзе, якая цяпер наводзіць парадак у Харкаўскай вобласці, узначальвае генерал Аляксандр Сырскі. Даўней Сырскі паспяхова арганізаваў абарону Кіева. У Еўропе вайскоўцаў з такім досведам проста няма, - расказаў палітолаг, эксперт Украінскага інстытута будучыні Юрый Раманенка.