З'явіліся спадарожнікавыя здымкі разбуранай базы расейцаў у Макееўцы

Фатаграфіі зроблены спадарожнікам кампаніі Planet Labs.

OSINT-даследчык Бенджамін Пітэт апублікаваў спадарожнікавыя здымкі разбуранага ў выніку ўдару ПТВ у Макееўцы Данецкай вобласці, у якім была абсталяваная база расейскіх акупантаў, паведамляе РБК-Украіна.

Фатаграфіі зроблены спадарожнікам кампаніі Planet Labs. Згодна з апублікаванымі кадрамі, будынак вучэльні ў выніку ракетнага ўдару цалкам разбураны, а частка абломкаў будынка абсыпалася на дарогу, якая вядзе да ПТВ.

Раней у Генштабе УСУ заявілі, што ўкраінскія вайскоўцы 31 снежня 2022 года нанеслі ўдар па раёне засяроджвання акупантаў у Макееўцы (Данецкая вобласць).