У Беларусі знізяць патрабаванні да стану здароўя ўсіх катэгорый вайскоўцаў

Мінабароны і Міністэрства аховы здароўя ўжо карэктуюць патрабаванні да стану здароўя.

Міністэрства абароны супольна з Міністэрствам аховы здароўя праводзіць работу па карэктаванні патрабаванняў да стану здароўя асоб, якія паступаюць на вайсковую службу. Аб гэтым БелТА паведаміла намесніца начальніка медыцынскай часткі Галоўнага вайсковага клінічнага медыцынскага цэнтра Узброеных Сіл Беларусі падпалкоўнік медыцынскай службы Святлана Кашура.

З яе слоў, гэта адносіцца да ўсіх катэгорый вайскоўцаў, як кантрактнікаў, так і прызыўнікоў, службы ў рэзерве.

- Выкліканае гэта шэрагам аб'ектыўных прычын. І найперш тым, што «паступае вялікая колькасць зваротаў» грамадзян, якія мяркуюць, што «патрабаванні да стану здароўя значна завышаныя» і не дазваляюць маладзёнам рэалізоўваць мару стаць вайскоўцам, - заявіла Кашура.

Напрыклад, плоскаступнёвасць становіцца перашкодай паступіць на службу па кантракце без праходжання тэрміновай вайсковай службы.