Беларусы закупіліся юанямі і расказалі, што адбылося з іх грашыма за год.

Ці атрымалася нешта зарабіць?

Сайт onliner.by падвёў вынікі рубрыкі «Шалёны інвестар». Год таму ў абменніку рука цягнулася да даляра, але гэта быў занадта просты шлях, які не раз пройдзены многімі беларусамі. Нам патрэбны былі новыя магчымасці, таму з банкаўскага сховішча для нас дасталі юані і яшчэ пяць валют. Заставалася толькі назапасіцца цярпеннем і дачакацца часу, калі нарэшце можна будзе ўбачыць выгаду. Прайшоў год, лічым страты і набыцці.

Такім чынам, вось наш набор для інвестыцыйнага эксперыменту: ена, канадскі даляр, фунт стэрлінгаў, шведская крона, швейцарскі франк, юань.

Зразумела, што купля валют - гэта хутчэй не пра множанне капіталу (калі не браць час маштабных фінансавых узрушэнняў, але тады лёгка і ўсё страціць), а спроба захаваць назапашванні або хаця б крыху іх павялічыць. Больш за ўсё надзей было на юань, і за год у кітайскай валюты ў Беларусі было некалькі цікавых навін: яна ўвайшла ў кошык валют, а банкі пачалі прапаноўваць юаневыя ўклады. І хоць проста зараз гэта мала ўплывае на наша звычайнае жыццё, цікава паглядзець, што будзе далей.

Мы ўлічылі рызыкі накшталт нізкай ліквіднасці набытых валют (купляеш па адным курсе, а праз дзень здаеш у банк значна танней), але наважылі ісці супраць натоўпу і шукаць альтэрнатыву даляру і еўра.

І вось зараз сапраўды можна сказаць, што трэба было рабіць у пачатку 2022-га. Шкада, што гэтая логіка не працуе на год наперад.

Праз два месяцы пасля пакупкі была спакуса расстацца з фунтамі стэрлінгаў, швейцарскімі франкамі і юанямі. Максімальна магчымую выгаду абяцала швейцарская валюта, але хто пра гэта ведаў у пачатку эксперыменту? Тады наш выбар быў на карысць шасці валют.

Калі б у той момант мы закупіліся швейцарскімі франкамі на тысячу рублёў, то зверху маглі б атрымаць яшчэ 127 рублёў.

Астатнія валюты - ена, канадскі даляр і шведская крона - маглі тады прынесці страты.

Сто дзён эксперыменту і паўгода веры ў юань маглі пасеяць паніку ў шэрагах фундатараў: мы нічога не зараблялі, а толькі страчвалі.

Заставалася чакаць.

Правяраем заначку праз год

Нягледзячы на тое, што гатоўка можа не вытрымаць гады хатняга захоўвання валюты і, напрыклад, пакрыцца цвіллю, як у айцішніка Пеці, фізічна яны перажылі 365 дзён без бачных змен. А што наконт іх каштоўнасці, калі мы вырашым вярнуць усё ў беларускія рублі? Шукаем самыя выгадныя курсы ў банках.

Выходзіць, праз год паход у абменнік з гэтымі валютамі не прынясе нам выгады. Уласна, рызыкі, аб якіх мы ведалі загадзя, прадказальна матэрыялізаваліся. Дастаткова прыкметны спрэд (розніца паміж курсам пакупкі і продажу) у некаторых выпадках павялічыўся яшчэ больш, банкі асабліва не зацікаўлены купляць гэтую валюту. Але калі вы едзеце за мяжу і зможаце разлічвацца тамака фунтамі стэрлінгаў або шведскімі кронамі, гэта будзе разумным рухам грошай.

Зарабіць можна было праз два месяцы пасля пачатку эксперыменту, зараз жа патрэбна машына часу або больш надзейны план інвестыцый.

І бонус: мы абяцалі паглядзець, што будзе адбывацца са 100 далярамі, набытымі па курсе 2,585, і 100 еўра, якія ў найбліжэйшым абменніку былі па 2,934. Найлепшы курс, па якім сёння можна расстацца з далярам, - 2,6292 рубля, з еўра - 2,8262 рубля. Атрымліваецца, што даляравыя ўкладанні маглі быць апраўданымі (але трэба было выбраць момант і ўтрымацца ад пакупкі даляра за 4 рублі), а вось для еўра год быў вельмі непрадказальным.