Сілы абароны Украіны расказалі пра паразу расейскіх пазіцый за дзень

Што патрапіла пад удар?

Сілы абароны Украіны зрабілі справаздачу пра паразу расейскіх пазіцый за мінулы дзень. Сярод іншага авіяцыя нанесла 11 удараў па раёнах засяроджвання асабовага складу, узбраення і ваеннай тэхнікі ворага, а таксама адзін удар па варожым зенітна-ракетным комплексе.

Пра гэта паведамляецца ў аператыўнай інфармацыі Генеральнага штаба УСУ. Акрамя таго, украінскія падраздзяленні ракетных войскаў падбілі 2 раёны засяроджвання асабовага складу, узбраення і ваеннай тэхнікі, пункт кіравання і 2 артылерыйскіх сродкі ворага.

У сваю чаргу расейскія акупанты нанеслі чарговы ўдар па Украіне, выкарыстаўшы 7 ударных БПЛА тыпу «Shahed-136/131» з паўднёва-ўсходняга кірунку. Сіламі і сродкамі супрацьпаветранай абароны знішчаныя 4 варожыя «шахеды».

«Усяго вораг нанёс 5 ракетных і 39 авіяцыйных удараў, здзейсніў 20 абстрэлаў з рэактыўных сістэмаў залпавага агню па пазіцыях нашых войскаў і населеных пунктах», – гаворыцца ў зводцы.