24 лютага 2024, Субота, 11:34
Падтрымайце
сайт
Сім сім,
Хартыя 97!
Рубрыкі

Каскад удараў з РСЗА: пад Данецкам знішчаная важная база РФ

2
Каскад удараў з РСЗА: пад Данецкам знішчаная важная база РФ

Траса Данецк-Макееўка перацятая.

У акупаванай Макееўцы пад Данецкам з учарашняга вечара працягваецца пажар на расейскай нафтабазе. Расейскія прапагандысты паскардзіліся, што пасля першага трапляння адбылося яшчэ два прылёты з РСЗА, а над месцам пажару нібыта кружыў беспілотнік, з-за чаго агонь не могуць патушыць, паведамляе OBOZ.UA.

Адзін з расейскіх «ваенкараў» заявіў, што па Макееўскай нафтабазе быў «моцны прылёт», стралялі нібыта «з РСЗА». У небе дагэтуль відаць зарыва, а траса Данецк - Макееўка перацятая.

Папярэдне, ахвяраў няма, заявіў крамлёўскі прапагандыст.

«Як нам сказалі пажарныя, следам былі яшчэ два прылёты і яны не могуць падысці да асяродку ўзгарання і патушыць. Таксама, з размоў, вось над гэтым месцам лятае беспілотнік. Але каб вы маглі адчуць атмасферу таго, што адбываецца, тут ажыўленая траса Макееўка - Данецк, вось так і жывём», - паскардзіўся «ваенкар».

Нагадаем, прапагандысты заявілі, што першыя выбухі ў Макееўцы прагрымелі а 14.30. Прылёт прыпаў па складах з палівам акупантаў.

Напісаць каментар 2

Таксама сачыце за акаўнтамі Charter97.org у сацыяльных сетках