Oryx: РФ за тры дні страціла пад Вуглядарам і Аўдзееўкай больш за 100 адзінак тэхнікі

Расейскае войска далей нясе велізарныя страты не толькі ў жывой сіле, але і ў тэхніцы.

За тры дні ўкраінскія вайскоўцы знішчылі пад Вуглядарам і Аўдзееўкай 103 адзінкі тэхнікі, у тым ліку 36 танкаў. Пра гэта паведамляе РБК-Украіна са спасылкай на Oryx.

Паводле інфармацыі Oryx, Украіна за гэты ж перыяд страціла 20 адзінак тэхнікі, з іх 2 танкі. Такім чынам, прапорцыя страт на вечар 10 лютага склала блізка 5:1.

Адзначана, што ў гэты спіс уваходзяць толькі знішчаныя транспартныя сродкі і тэхніка, якія знятыя на фота або відэа. Таму колькасць знішчанай тэхнікі значна перавышае зафіксаваную.

Акрамя таго, стралковая зброя, ПТРК, ПЗРК, мінамёты, беспілотныя баявыя прыпасы, беспілотныя лятальныя апараты, цывільныя транспартныя сродкі і закінутае абсталяванне не ўключанае ў гэты спіс.