У Беларусі хочуць забараніць увоз цюнінгаваных аўтамабіляў
4- 18.02.2023, 21:19
- 5,806
Мера не закране прадукцыю афіцыйных цюнінг-фірм.
Імпарт аўто са змененай канструкцыяй могуць забараніць на тэрыторыі Расеі і Беларусі. Такія меры прадугледжаныя папраўкамі ў тэхнічны рэгламент Мытнага саюза «Аб бяспецы колавых транспартных сродкаў».
«Выключаная магчымасць унясення змяненняў у канструкцыю транспартнага сродку да яго выпуску ў абарачэнне, а таксама новага аўтамабіля», — піша onliner.by са спасылкай на дакумент.
Пад выпускам у зварот, паводле федэральнага закона «Аб тэхнічным рэгуляванні» (№ 184-ФЗ), разумеецца пастаўка або ўвоз прадукцыі (у тым ліку адпраўка са склада вытворцы або адгрузка без складавання) у мэтах распаўсюджвання на тэрыторыі РФ падчас камерцыйнай дзейнасці на бязвыплатнай ці платнай аснове.
Адпаведныя прапановы ў карэктаванні тэхрэгламенту змяшчаюцца ў дапрацаваным пакеце паправак нумар 3, які цяпер знаходзіцца на разглядзе ў Мінпрамгандлі. Канкрэтныя тэрміны прыняцця такіх патрабаванняў у дакуменце не пазначаны.
Мера не закране прадукцыю афіцыйных цюнінг-фірмаў (Mercedes-AMG, BMW M, Brabus і гэтак далей), паколькі яны маюць статус вытворцаў аўтамабіляў і аўтакампанентаў. Магчымасць цюнінгаваць машыну на тэрыторыі РФ і зарэгістраваць змены ў канструкцыю папраўкамі не змяняецца.