Ва Украіну адпраўляюць сістэмы СПА Mamba, здольныя перахапляць балістычныя ракеты
1- 4.02.2023, 10:16
- 7,498
Перадачу аналага амерыканскіх Patriot пацвердзіла Мінабароны Францыі.
Францыя і Італія прынялі пастанову перадаць Украіне сістэмы супрацьпаветранай абароны сярэдняй далёкасці Mamba.
Пра гэта паведамляецца ў Twitter кіраўніка французскага Мінабароны Себасцьяна Лекарню.
«З міністрам абароны Італіі Гвіда Кразета мы наважылі паставіць ва Украіну вясной 2023 года ЗРК SAMP/T-Mamba», - адзначыў чыноўнік.
Лякарню ўказаў, што гэтыя комплексы дазволяць абараніць грамадзянскае насельніцтва і інфраструктуру Украіны ад нападаў з боку РФ.
Avec @GuidoCrosetto, nous avons décidé de livrer à l’Ukraine au printemps 2023 un système de défense antiaérienne SAMP/T-MAMBA.
— Sébastien Lecornu (@SebLecornu) February 3, 2023
Ce système permettra de protéger les populations et infrastructures civiles face aux attaques russes, une urgence exprimée par @oleksiireznikov. pic.twitter.com/oVAjg6x19t
Сістэма SAMP/T-MAMBA - што пра яе вядома
MAMBA – эквівалент амерыканскай сістэмы Patriot. Яна была разгорнутая ў Румыніі для абароны надзвычай стратэгічнага рэгіёна порта Канстанца.
Гэтая сістэма была створаная сумесным французска-італьянскім кансорцыумам, яна можа адсочваць дзясяткі цэляў і перахапляць 10 адначасова. SAMP/T-MAMBA - адзіная сістэма еўрапейскай вытворчасці, здольная перахапляць балістычныя ракеты.
Адна пускавая ўстаноўка ЗРК узброеная 8 ракетамі, якія могуць быць адстраляны ў адным залпе ўсяго за 10 секунд.