Менскую нерухомасць пачало «штарміць»

Рынак кватэр у сталіцы прыкметна прасеў.

Колькасць угод на рынку кватэр у Менску ў IV квартале 2022 года зменшылася на 4,5%, але агулам год для рынку кватэр быў лепшым за леташні. Пра гэта паведаміла Нацыянальнае кадастравае агенцтва.

Паводле звестак Нацыянальнага кадастравага агенцтва, у Менску за IV квартал 2022 года было праведзена 3 987 здзелак куплі-продажу кватэр. Гэта на 4,5% менш за адпаведны паказчык III квартала 2022 года.

За тры апошнія месяцы года меншымі атрымаліся вынікі продажаў і па плошчы жылля: прададзена 201 400 кв. м жылля на агульную суму $273,2 млн, што на 4,6% менш, чым у III квартале. Аб'ём продажаў у грашовым эквіваленце знізіўся не так прыкметна - на 1,2% у апошнім квартале 2022 да такога ж перыяду 2021.

Папулярнымі ў пакупнікоў былі 1-пакаёвыя і 2-пакаёвыя кватэры. На першыя прыпадала 49% ад усіх угод за IV квартал, а на другія - 32%. Па плошчы больш за ўсё прадаваліся кватэры да 45 кв. м, планіроўкай вялікі попыт на «студыі», «еўрадвойкі» і кватэры са свабоднай планіроўкай.

Вынік года такі: у Менску праведзена 15 020 здзелак з кватэрамі. Гэта на 3,1% больш за адпаведны паказчык 2021 года.

Характэрна, што на рынку першаснага жылля ў сталіцы Беларусі за 2022 год каля 72% з 2 547 угод куплі-продажу прыпала на мікрараён «Мінск-Мір».