Брытанская выведка ўказала на слабае месца новага расейскага наступу
- 9.02.2023, 11:59
- 8,000
Час абраны няўдала.
Са звестак брытанскай выведкі, надвор'е працягвае адыгрываць значную ролю падчас вайны Расеі супраць Украіны. У той час як зямля змерзла, у апошнія тыдні ўмовы перамяшчэння па перасечанай мясцовасці на ўсходзе, хутчэй за ўсё, практычна не змяніліся.
У справаздачы ведамства ў Twitter гаворыцца, што 8 лютага тэмпература паверхні была каля 0 градусаў Цэльсія.
Паводле прагнозаў, на наступным тыдні падвышэнне тэмпературы глебы і раставанне снегу, магчыма, пагоршаць умовы для перамяшчэння па ўсёй тэрыторыі Данбаса.
Як адзначылі ў выведцы, умовы перамяшчэння па перасечанай мясцовасці, магчыма, будуць горшымі, з вялікай колькасцю гразі, у сярэдзіне і канцы сакавіка.
Камандзіры з абодвух бакоў, хутчэй за ўсё, пастараюцца пазбягаць планавання буйных наступальных аперацый у гэты час, дадалі ў ведамстве.
«Аднак палітычныя ці аператыўныя магчымасці могуць пераважаць над гэтымі асцярогамі, як гэта прадэманстравала Расея, пачаўшы сваё ўварванне ў канцы лютага 2022 года», – гаворыцца ў справаздачы.
Latest Defence Intelligence update on the situation in Ukraine - 9 February 2023
— Ministry of Defence 🇬🇧 (@DefenceHQ) February 9, 2023
Find out more about the UK government's response: https://t.co/vrOFArukPg
🇺🇦 #StandWithUkraine 🇺🇦 pic.twitter.com/6Sc2wfJpqC