Зяленскі прыбыў у Брусэль на саміт ЕЗ
2- 9.02.2023, 12:33
- 4,248
Жывая трансляцыя выступу прэзідэнта Украіны ў Еўрапарламенце.
Прэзідэнт Украіны Уладзімір Зяленскі 9 лютага прыбыў у Брусэль. Кіраўнік украінскай дзяржавы выступіць у Еўрапарламенце і наведае саміт ЕЗ.
Пра гэта паведамляе BFMTV.
«Прэзідэнт Украіны прыбыў у Брусэль пасля палёту з Эмануэлем Макронам прэзідэнцкім самалётам», - гаворыцца ў паведамленні.
У Брусэлі ўжо сабралася чарга журналістаў, якія чакаюць прыбыцця Уладзіміра Зяленскага.
Прэзідэнтка Еўрапейскага парламента Рабэрта Метцола анансавала выступ Зяленскага.
«Гістарычны дзень для Еўропы. З гонарам паведамляю, што прэзідэнт Украіны
Уладзімір Зяленскі будзе сёння раніцай у Еўрапарламенце», - напісала яна ў Twitter.
У той жа час кіраўніца Еўрапейскай камісіі Уршуля фон дэр Ляен публікуе фота з Уладзімірам Зяленскім.
🇪🇺🇺🇦 Welcome to Brussels, dear @ZelenskyyUa
— Ursula von der Leyen (@vonderleyen) February 9, 2023
The heart of the European family, in which Ukraine belongs.
We will support Ukraine every step of the way towards our Union. pic.twitter.com/eELXeZYmM5
Абноўлена
Перад выступам у Еўрапарламенце, дзе ўжо знаходзіцца Уладзімір Зяленскі, заслухалі гімн Украіны. Украінскага прэзідэнта сустрэла кіраўніца Еўрапарламента Рабэрта Мецола.