Кошт нафты і газа працягваюць падаць

Гэта стымулюе рост сусветнай эканомікі.

Кошт барэля нафты ўпаў больш як на трэць з паловы мінулага года. Падзенне кошту нафты і газу ў сваю чаргу правакуе рост сусветнай эканомікі.

Пра гэта паведамляе The Wall Street Journal.

Сусветныя банкі павышаюць працэнтныя стаўкі, каб знізіць гістарычна высокую інфляцыю, што ў сваю чаргу дае нечаканы прыбытак для хатніх гаспадарак, прадпрыемстваў і ўрадаў.

Кошт барэля нафты ўпаў больш чым на траціну з сярэдзіны мінулага года, прыкладна да 77 са 121 даляра, што ніжэй за даваенны ўзровень. Гэта адбылося таму, што рынкі прыстасаваліся да эмбарга Захаду.

Некаторыя эканамісты папярэджвалі, што аднаўленне кітайскай эканомікі прывядзе да росту коштаў нафты, але гэтага яшчэ не адбылося.

У Еўропе базавыя аптовыя кошты на прыродны газ упалі амаль на 90% з мінулага лета, дасягнуўшы самага нізкага ўзроўню з 2021 года, дзякуючы цёпламу надвор'ю, кансервацыі і павелічэнню імпарту.

Паводле звестак Capital Economics, для Еўропы зніжэнне коштаў прыроднага газу азначае велізарную эканомію сродкаў, роўную прыкладна 3,5% валавога ўнутранага прадукту сёлета для Італіі і прыкладна 2% ВУП для Нямеччыны, Партугаліі і Гішпаніі.

«Толькі выбух коштаў газу і неспакой дэфіцытам газу, якія панавалі мінулым летам і зімой, прывялі еўразону да стагнацыі ў мінулым годзе... Гэты шок зараз вяртаецца назад», - сказаў галоўны эканаміст Berenberg Bank Хольгер Шмідынг.