Латвія прапанавала закрыць санкцыйную «пастку» для Лукашэнкі
- 22.03.2023, 9:35
- 14,620
Кіраўнік МЗС краіны Эдгар Рынкевічс агучыў цікавы ход.
Міністр замежных спраў Латвіі Эдгар Рынкевічс заклікаў як мага хутчэй прыняць пастанову аб узгадненні санкцый, уведзеных у дачыненні да Беларусі, з санкцыямі супраць Расеі, тым самым зменшыўшы магчымасць іх абходу.
Пра гэта гаворыцца ў заяве на сайце МЗС Латвіі.
На пасяджэнні Рады ЕЗ у агульных пытаннях Рынкевічс таксама заявіў, што Латвія працягне надаваць усю магчымую палітычную, вайсковую, гуманітарную і фінансавую падтрымку Украіне, і рашуча падтрымае далейшыя дзеянні ў забеспячэнні адказнасці расейскіх службовых асоб за злачынства агрэсіі.
Паведамляецца, што Рада ЕЗ правяла нефармальную гутарку з віцэ-прэм'ер-міністрам Украіны ў пытаннях еўрапейскай і еўраатлантычнай інтэграцыі Вольгай Стэфанішынай.
«Міністр замежных спраў ад імя Латвіі выказаў падтрымку інтэграцыі Украіны ў ЕЗ і пачалў перамовы з Украінай аб уступленні ў ЕЗ пасля выканання ёю рэкамендацый, сфармуляваных Еўрапейскай камісіяй», - гаворыцца ў заяве.