Украінскія партызаны прабраліся на базу спецназа ГРУ ў Крыме

Ахова іх так і не заўважыла.

Партызаны Украіны прабраліся на базу расейцаў спецыяльных прызначэнняў. Пабывалі на тэрыторыі і зрабілі некалькі фатаграфій, піша «Стопкор». І тое пры тым, што ахова спецустановы так і іх не заўважыла.

Пра тое, што ўкраінскія партызаны праніклі ў Крым на базу расейцаў, паведамляе сам партызанскі рух супраціву паўвостраву «Атэш». Калі менавіта яны гэта зрабілі - невядома. Але навокал усё яшчэ засланае снегам.

Прынамсі, у іх паведамленні гаворыцца, што агенты руху супраціву «Атэш» пракраліся ў 24-ю асобную брыгаду спецыяльнага прызначэння Галоўнай управы з РФ. У пацверджанне партызаны апублікавалі відэа і фота тэрыторыі, дзе дыслакуецца гэтая брыгада.

«Вельмі цікава ўбачыць, чым жыве і як функцыянуе такая ўслаўленая структура напраўду. Але большую цікавасць для нас уяўляюць слабыя месцы і службовая інфармацыя», – гаворыцца ў паведамленні.

Дарэчы, 24-я асобная брыгада Расеі - гэта злучэнне войскаў спецыяльнага прызначэння Узброеных сіл Расейскай Федэрацыі. Базуецца яна ў Новасібірску і ўваходзіць у Цэнтральную вайсковую акругу. Але з пачаткам акупацыі паўвострава Крым перанёс частку сваёй брыгады туды. У 2022 годзе гэтая ж брыгада ўдзельнічала ў расейскім уварванні ва Украіну.

Характэрна, але толькі ўчора гэты ж партызанскі рух супраціву апублікаваў фота назірання за адной з частак расгвардыі каля цэнтральнага рынка ў Крыме.

«Цяпер мы ведаем, колькі і якая ў іх тэхніка. Рашысты завялі расгвардыю і іншых сваіх слабавікоў у Крым з разліку, што яны трымаюць у страху бяззбройных мірных жыхароў і будуць трымаць у страху сваіх прывезеных расейцаў. Але ж мы не яны. У нас ёсць чым вам адказаць, і ў рабстве нас не ўтрымаць!», – гаворыцца ў паведамленні.