Рэзнікаў паказаў новую тэхніку падраздзяленняў дэсантнікаў УСУ

Challenger 2 і не толькі.

У панядзелак, 27 сакавіка, міністр абароны Украіны Аляксей Рэзнікаў паказаў новую тэхніку ад заходніх партнёраў, якая ўжо знаходзіцца ў падраздзяленнях дэсантнікаў УСУ.

Пра гэта паведамляе Charter97.org са спасылкай на старонку Мінабароны Украіны.

«Сёння меў гонар сумесна з камандзірам Дэсантна-штурмавымі войскамі УСУ генерал-маёрам Максімам Міргародскім і нашымі дэсантнікамі абкатаць новае папаўненне ў нашых армаваных падраздзяленнях», - гаворыцца ў паведамленні.

Адзначаецца, што гаворка ідзе пра брытанскі Challenger 2, амерыканскі Stryker і Cougar, а таксама нямецкі Marder.

Рэзнікаў адзначыў, што перавагі гэтай тэхнікі неўзабаве дзякуючы ўкраінскім вайскоўцам адчуюць на сабе расейскія акупанты.

Украіна атрымала ад Брытаніі 14 танкаў Challenger 2,40 БМП Marder і мінімум 90 БТР Stryker.