У небе над Крымам актывізавалася расейская авіяцыя
4- 14.04.2023, 21:38
- 7,592
Ваенныя самалёты лётаюць вельмі нізка.
У пятніцу вечарам, 14 красавіка, у небе над Крымскім паўвостравам актывізавалася расейская авіяцыя.
Пра гэта паведамляе Telegram-канал «Крымскі вецер».
Як паведамляюць мясцовыя жыхары, з 21:00 над Севастопалем праз кожныя 2-5 хвілінаў пралятаюць ваенныя самалёты: знішчальнікі і транспартныя.
«Самалёты лятуць з боку мора над Ленінскім раёнам горада і далей на ўсход. Звычайна так бывае пасля ўзлёту з аэрадрома Бельбек, пасля чаго самалёт робіць разварот над морам», – гаворыцца ў паведамленні.
Пры гэтым зазначаецца, што аналагічная сітуацыя ў Інкермане. Над горадам праляцела не менш як 10 самалётаў.
У той самы час у Інкермане прадаўжаецца актыўнасць варожай авіяцыі.
«За апошнія 20 хвілінаў яшчэ шэсць праляцелі над Інкерманам, такога нават у пачатку ўварвання не было ці калі першы раз на аэрадроме Бельбек выбухі былі. Лётаюць вельмі нізка», – гаворыцца ў паведамленні.