Лукашэнку няма каму выцягваць «з таго свету»

Недахоп медыкаў стаў праблемай для хворага дыктатара.

Лукашэнка даручыў менавіта Абельскай (паводле пагалосак - маці ягонага сына Мікалая - рэд.) узначаліць камісію праверкі медустаноў краіны. Лукашэнка матываваў гэта тым, што ён больш у медыцыне нікому не давярае, піша тэлеграм-канал «Беларуская выведка».

Падабраны шэраг устаноў, якія правяраюць лятучыя камісіі, куды ўваходзяць усе гатункі апрычнікаў рэжыму.

Крыніцы паведамляюць, што сітуацыя ў медыцыне стала крытычнай. Недахоп больш за 10 000 спецыялістаў розных галін прыводзіць да паступовага калапсу ўсёй сістэмы аховы здароўя. «Прыгонныя па размеркаванні» выпускнікі медвузаў і каледжаў не развязваюць праблему. Ва ўсе органы ўлады хлынуў наплыў зваротаў грамадзян аб немагчымасці атрымаць меддапамогу.

На нарадзе ў Лукашэнкі месяц таму праблему прызналі «найбольш сур'ёзнай». Лукашэнка адмаўляецца чуць Піневіча аб корані праблемы: апрычнікі Лукашэнкі, пачынаючы са «справы лекараў», на працягу трох гадоў ціснулі людзей у белых халатах і запалохвалі лаяльных на прадмет карупцыі. Медыкі адказалі масавымі выездамі ў замежжа, пакінуўшы Лукашэнку сам-насам са сваімі сабакамі, якія ні на што не здольныя, як размахваць «скарынкамі».

Недахоп медперсаналу становіцца адной з галоўных праблем асабіста для Лукашэнкі, у якога шмат праблем са здароўем.

Абельская павінна асабіста разабрацца ў першапрычынах праблемы і далажыць рэальную сітуацыю. Крыніцы тэлеграм-канала паведамляюць, што рыхтуюцца самыя радыкальныя захады, аж да забароны на выезд з краіны пад маркай пагрозы нацыянальнай бяспецы для асабліва каштоўных лекараў-спецыялістаў.