Байдэн: ЗША разглядаюць пытанне перадачы Украіне дальнабойных ракет ATACMS

Працэс паскорылі расейскія атакі на Кіеў.

Злучаныя Штаты працягваюць разглядаць пытанне аб перадачы Украіне дальнабойных ракет ATACMS. Вашынгтон дасць Кіеву ўсё неабходнае.

Пра гэта паведамляе РБК-Украіна са спасылкай на заяву прэзідэнта ЗША Джо Байдэна.

«Гэта пытанне ўсё яшчэ ў гульні», – сказаў ён, адказваючы на пытанне журналістаў аб ракетах ATACMS для Украіны.

Байдэн заявіў, што ўзмацненне расейскіх нападаў на Кіеў не стала нечаканасцю. «Менавіта таму мы павінны працягваць даваць Украіне ўсё неабходнае», - сказаў ён.

Ціск на Белы дом

Прадстаўнікі Кангрэса ЗША заклікалі прэзідэнта Джо Байдэна перадаць Украіне зброю большай далёкасці, ракеты ATACMS.

У лісце да Байдэна кангрэсмэны заявілі, што амаль усе сістэмы ўзбраенняў, якія былі запытаныя Украінай, былі дастаўлены пасля моцнага ціску. Яны заклікалі Белы дом не чакаць новай кампаніі ціску, каб даць ATACMS.

ATACMS

Амерыканская балістычная ракета малой далёкасці. Вырабляецца кампаніяй Lockheed Martin. Можа ўстанаўлівацца на M270 MLRS 2 ракеты або M142 HIMARS 1 ракета. Мае далёкасць да 300 км.

У красавіку кіраўнік Аб'яднанага камітэта начальнікаў штабоў ЗША Марк Мілі заявіў, што Злучаныя Штаты не будуць пастаўляць Украіне ракеты вялікай далёкасці ATACMS, але разглядаюць іншыя варыянты, каб даць УСУ больш магчымасцяў на поле бою.

Аднак у канцы траўня прэзідэнт ЗША Джо Байдэн афіцыйна абвясціў аб замене кіраўніка генеральнага штаба ЗША Марка Мілі на Чарльза Браўна.