У БДЭУ раптоўна павялічылі кошт навучання за навучальны год, які хутка скончыцца

Колькі давядзецца даплаціць?

Чытач «Зеркала» паведаміў, што студэнты Беларускага дзяржаўнага эканамічнага ўніверсітэта атрымалі паведамленні аб павышэнні кошту навучання з 1 чэрвеня.

«Паступіла ад універсітэта рассылку аб тым, што з 1 чэрвеня павялічваецца кошт навучання і трэба даплочваць за навучальны год 55 рублёў. Хоць, па дамове не павінна быць ніякіх павышэнняў на няскончаны навучальны год», – напісаў чытач. З ягоных слоў, унёсак за апошні семестр навучання сёлета ён плаціў у красавіку, а зараз ва ўніверсітэце просяць даплаціць.

На сайце БДЭУ сапраўды з'явілася інфармацыя аб пераліку кошту навучання за 2022/2023 год. «З 1.06.2023 устаноўлены кошт навучання на 2022/23 навучальны год для студэнтаў, якія навучаюцца на платнай аснове, і сума даплаты з улікам змянення кошту навучання».

Максімальная сума даплаты ўстаноўлена для студэнтаў першага курса – 55,5 рубля. Амаль на адзін рубель менш просяць унесці студэнтаў 2-4 курсы. У пяцікурснікаў дадатковых грошай не просяць. Студэнты завочнай формы навучання павінны будуць даплаціць па 19,8 рублі. Дыстанцыйнай – па 18 рублёў.