«Ліквідацыя» паплечніка Кадырава: Афіцэр УСУ раскрыў, хто такі Дэлімханаў

На дэпутату Дзярждумы РФ завязаныя не толькі ваенныя пытанні.

Паплечнік верхавода Чачні Рамзана Кадырава, дэпутат Дзярждумы РФ Адам Дэлімханаў да гэтага часу не выйшаў на сувязь пасля таго, як з'явілася інфармацыя пра ягоную ліквідацыю ва Украіне.

Паліттэхнолаг і афіцэр УСУ Тарас Беразавец не выключаене выключае, што ён мог выжыць.

«Мяркуючы з таго, што паведамлялі нашыя крыніцы, звязаныя з Сіламі спецыяльных аперацый, ён такі трапіў пад замес. Пытанне толькі – наколькі сур'ёзна патрапіў. Мы можам дапусціць, што ён сапраўды мог атрымаць раненні, але наколькі яны былі сур'ёзныя, я не бяруся судзіць», – адзначыў ён.

Паводле ягоных словаў, на Дэлімханава завязаныя не толькі ваенныя пытанні, але і фінансавыя:

«Ён – кансільеры пры босу мафіі, які ведае вельмі многае, ведае вельмі шмат таемнай фінансавай кухні, нашмат больш, чым ведае нават сам Кадыраў… Кадыраў выдатна разумее, што, калі з такім чалавекам, як Дэлімханаў, нешта здарыцца, ён можа пацягнуць за сабой шматлікія фінансавыя канцы, умоўна кажучы, вось гэтыя ўсе бухгалтарскія кнігі, доступу да якіх у Кадырава нават няма. І не факт, што ёсць дублікаты ўсіх гэтых рахункаў, пароляў да іх. Ён цалкам з'яўляецца носьбітам унікальнай інфармацыі».

Нагадаем, на днях украінскі вайсковец паведаміў, што ліквідаваны паплечнік завадатара Чачні Рамзана Кадырава. Адзначалася, што Адам Дэлімханаў з «кадыраўцамі» знаходзіўся ў Запарожскай вобласці.

Кадыраў жа заявіў, што ягоны паплечнік Дэлімханаў жывы: «Я гэта ведаў з самага пачатку фэйкавага ўкідвання, але надумаў прадэманстраваць усім, у першую чаргу ўкраінцам, да якой ступені апусціліся іх сродкі масавай інфармацыі».