Візавы цэнтр Гішпаніі ў Менску аднавіў працу

З’явіліся і першыя даты на падачу дакументаў для атрымання візы.

У беларускай сталіцы аднавіў сваю працу візавы цэнтр (ВЦ) Гішпаніі. З'явіліся і першыя даты на падачу дакументаў для атрымання візы, піша Точка.by.

Візавы цэнтр Гішпаніі аднавіў працу ў новым офісе на адрас Талстога, 8.

У сераду, 21 чэрвеня, цэнтр выставіў першыя даты на падачу дакументаў - 22 і 23 чэрвеня. Але цяпер вольных месцаў на падачу не засталося - практычна ўсё (калі не цалкам усе) разабралі праграмісты для візавых агенцтваў.

Дарэчы, у самім візавым агенцтве прапануюць не спадзявацца на хуткую падачу, сваіх кліентаў спецыялісты арыентуюць на ліпень-жнівень.

Тэрміны гатоўнасці візы - прыкладна два тыдні: яе прастаўляюць у консульстве ў Маскве.

Нагадаем, візавы цэнтр Гішпаніі ў Менску прыпыніў сваю працу з 1 красавіка 2022 года.