Беларускі музыка выпусціў песню пра эміграцыю

Кліп знялі на еўрапейскіх вуліцах.

Беларускі музыка і заснавальнік гурта Leibonik Сяргей Башлыкевіч, які жыве ў Нідэрландах, выпусціў песню Emigrant Song пра беларусаў, якія вымушана пакінулі радзіму. Кліп знялі на еўрапейскіх вуліцах.

«Гэта першая песня з майго першага “эмігрантскага” альбома, які выйдзе неўзабаве. Адчуваю патрэбу адрэфлексаваць тэму пераезду, пасля чаго можна будзе смела зноў вярнуцца да “тупых песняў”, якія, спадзяюся, вы таксама будзеце чакаць і слухаць», – напісаў музыка.

Песню трэба слухаць, але вось вам некалькі радкоў:

«З кожным заездам ў Кракаў да Валеры

Я ўсё больш забываюся ўзор мапідаўскай шпалеры.

Хоць айран не кефір, гранола не каша,

Усё лепш чым без суда сядзець. Скажы, Паша?»

Летась Башлыкевіч быў з гастролямі ў Еўропе і Грузіі.